Helpwch lunio dyfodol gorsaf reilffordd Caerfyrddin

Helpwch lunio dyfodol gorsaf reilffordd Caerfyrddin

Rydym am glywed am eich profiad o ddefnyddio Gorsaf Reilffordd Caerfyrddin.

P'un a ydych chi'n teithio ar y trên yn rheolaidd, yn achlysurol, neu'n dewis mathau eraill o drafnidiaeth, bydd eich adborth yn ein helpu i ddeall yn well sut mae pobl yn defnyddio'r orsaf a pha welliannau allai wneud teithiau yn haws, yn fwy diogel ac yn fwy cyfleus.

Mae'r arolwg ar agor o 21 Medi tan 12 Hydref

Mae'n cymryd rhwng 5 a 10 munud i gwblhau'r 10 cwestiwn. Bydd yr holl ymatebion yn cael eu defnyddio i helpu i lywio gwelliannau a chynllunio yn y dyfodol.

Pam rydyn ni'n gwneud hyn?

Mae Gorsaf Reilffordd Caerfyrddin yn ganolfan drafnidiaeth bwysig yn ne-orllewin Cymru sy’n cysylltu pobl ag addysg, gofal iechyd, hamdden a swyddi ledled Cymru a thu hwnt. Mae'r orsaf hefyd yn bwysig o ran cysylltu gwasanaethau rheilffyrdd â rhwydwaith bysiau TrawsCymru, gan ei gwneud yn gyfnewidfa ar gyfer teithiau ledled Cymru.

Fel rhan o'r prosiect hwn, rydym yn archwilio sut y gallem wneud yr orsaf yn well ar gyfer newid rhwng o drên neu fws i gerdded, olwynio a beicio.

Mae angen eich help arnom i:

...nodi rhwystrau cyffredin rhag cael mynediad i, a defnydd o Orsaf Reilffordd Caerfyrddin
...ddeall sut rydych chi'n dewis i deithio a beth sy'n dylanwadu ar eich dewisiadau
...ddeall sut y gall gwasanaethau bysiau a rheilffyrdd gweithio gyda'i gilydd yn well

...ddysgu am eich blaenoriaethau o ran gwella profiad teithwyr

Pwy ddylai gymryd rhan?

Hoffem glywed gan:

...bobl sy'n cerdded, olwynio neu seiclo, neu sy’n teithio ar fws neu mewn car
...unigolion nad sydd yn defnyddio'r orsaf reilffordd yn rheolaidd, neu ar hyn o bryd
...unrhyw un sy'n teithio i, o neu drwy Gaerfyrddin

Mae pob llais yn bwysig a bydd yn ein helpu i adeiladu gwell dealltwriaeth o anghenion teithio lleol.

Mae'n bwysig cofio nad yw'r cyllid wedi'i gadarnhau eto. Drwy roi eich barn, gallwch ein helpu i sicrhau'r cyllid sydd ei angen i gyflwyno gwelliannau yn seiliedig ar eich adborth.

Sesiwn Galw Heibio

Byddwn hefyd yng Ngorsaf Reilffordd Caerfyrddin rhwng 08:00 a 18:00 ar Ddydd Iau 24 Medi i glywed eich barn felly dewch i'n gweld os ar gael!

Ynglŷn â Gorsaf Reilffordd Caerfyrddin

Mae Gorsaf Reilffordd Caerfyrddin wedi'i lleoli ar Heol yr Orsaf yng nghanol Caerfyrddin.

Gyda dau blatfform, mae'n cynnig cysylltiadau rheilffordd uniongyrchol i lefydd gan gynnwys Abertawe, Caerdydd, Llundain a Manceinion, yn ogystal ag Abergwaun, Aberdaugleddau a Phenfro.

Gall pobl hefyd dechrau eu taith TrawsCymru ar y bws ar gyfer teithiau i Ysbyty Glangwili, Llanbedr Pont Steffan, Aberaeron ac Aberystwyth.

Mae gan yr orsaf doiled lle newid cwbl hygyrch, ystafell aros fawr, maes parcio ceir a beiciau, swyddfa archebu, a phwynt cymorth i gwsmeriaid a staff sydd ar gael 24/7.

Am ragor o fanylion ynglŷn â’r orsaf:

Gorsaf drenau Caerfyrddin | Tocynnau a gwybodaeth | TrC

Ar gyfer ymholiadau cynllunio teithiau rheilffyrdd:

Prynu tocynnau trên | Tocynnau trên rhad - Dim ffi archebu | TrC

Ar gyfer bysiau TrawsCymru:

TrawsCymru – teithio bws pellter canolig a hir yng Nghymru

Ymatebwch i’r arolwg