Eich barn ar amcanion llesiant Trafnidiaeth Cymru

Mae Trafnidiaeth Cymru wedi'i enwi o dan Ddeddf Llesiant Cenedlaethau'r Dyfodol 2015, sy’n ei gwneud yn ddyletswydd gyfreithiol arnom i gyhoeddi amcanion llesiant.

Mae'r amcanion hyn yn edrych ar sut y gall trafnidiaeth gyfrannu at lesiant cymdeithasol, diwylliannol, amgylcheddol ac economaidd cenedlaethau'r presennol a'r dyfodol ledled Cymru.

Dros y chwe mis diwethaf, rydym wedi ymgysylltu â mwy na 300 o bobl drwy weithdai, sgyrsiau a gweithgareddau wyneb yn wyneb eraill. Rydym bellach yn gwahodd amrywiaeth ehangach o bobl i rannu eu barn ar yr amcanion hyn.

Bydd eich adborth yn ein helpu i ddeall: a yw'r amcanion yn teimlo'n iawn i chi;

· a ydynt yn adlewyrchu popeth y dylai Trafnidiaeth Cymru fod yn canolbwyntio arno nawr;

· beth mae pob amcan yn ei olygu mewn bywyd bob dydd;

· beth fyddech chi'n disgwyl ei weld yn ymarferol;

· a oes unrhyw beth pwysig ar goll.

Bydd yr holl ymatebion yn cael eu hadolygu a'u defnyddio i lunio Datganiad Llesiant 2027.