Arolwg Gwibfws Gogledd i Dde Cymru

Y camau nesaf 

Bydd yr arolwg ar agor tan 28 Mawrth 2025 ac, unwaith y bydd yn dod i ben, byddwn yn lawrlwytho'r data crai ac yn dechrau’r broses ddadansoddi. Byddwn hefyd yn defnyddio'r teclyn deallusrwydd artiffisial 'Wordnerds' er mwyn ddadansoddi a chynhyrchu themâu a theimladau yn seiliedig ar y data a gasglwyd. Caiff yr holl ymatebion eu trin yn unol â'r holl gyfreithiau perthnasol sy'n ymwneud â diogelu data personol, gan gynnwys Rheoliad Diogelu Data Cyffredinol y DU. Mae rhagor o wybodaeth am sut y mae TrC yn casglu data ar ein gwefannau ar gael yma: TrC: Datganiad Preifatrwydd. 

Cyflwyno’r canlyniadau    

Pan ddaw'r ymgysylltiad a'r arolwg i ben, caiff y canlyniadau eu dadansoddi a'u paratoi ar ffurf adroddiad. Bydd yr adroddiad yn cael ei gyhoeddi a bydd ar gael ar dudalen we TrC. Pwrpas yr adroddiad yw cyflwyno disgrifiad o'r ymgysylltiad â'r cyhoedd a rhanddeiliaid a dderbyniwyd yn ystod y broses ymgysylltu. Mae hyn yn cynnwys canfyddiadau allweddol ein hymgysylltiad. Yna caiff yr adroddiad ei gyflwyno fel rhan o'r achos busnes i Lywodraeth Cymru, i'w ystyried ymhellach ac i ystyried camau posibl yn y dyfodol.