Parcio beiciau

Rydym yn awyddus i gael barn pobl am fannau diogel i barcio beiciau

Mae Trafnidiaeth Cymru yn awyddus i sicrhau bod mwy o gyfleoedd ar gael i gerdded, olwynio a beicio. Dros y 12 mis nesaf byddwn yn gweithio i wella'r nifer o fannau diogel sydd i barcio beiciau yn ein gorsafoedd ac rydym am gael eich barn.

Am beth ydyn ni am ymgysylltu â chi?

Yn syml, mae man diogel i barcio eich beic yn golygu man parcio caeedig a diogel, yn wahanol i'r mannau agored sydd eisoes yn bodoli yn y rhan fwyaf o fannau cyhoeddus. Nod parcio beiciau diogel yw helpu pobl i deimlo'n fwy cyfforddus yn gadael eu beiciau mewn mannau cyhoeddus, gan annog mwy o bobl i ddefnyddio beic.

Hoffem wybod:

• Sut y gallai man parcio diogel ddylanwadu ar eich penderfyniad i ddefnyddio beic
• Os ydych chi’n beicio, beth yw’r rheswm dros hynny
• Pe bai mwy o fannau diogel i barcio beiciau ar gael, fyddai hynny yn eich annog i wneud mwy o deithiau ar eich beic

Gallwch gymryd rhan drwy gwblhau ein harolwg a defnyddio ein teclyn ymgysylltu.

i’n helpu i ddeall eich barn, hoffem i chi ateb rhai cwestiynau. Rydym wedi rhannu map digidol y gallwch osod pin ynddo i ddangos lle yr hoffech weld mannau diogel i barcio beiciau yn y dyfodol. Gallwch hefyd bostio sylwadau ar ein platfform fforwm.

Cyfle i gystadlu yn ein raffl

I ddweud diolch, bydd eich enw yn cael ei gynnwys mewn raffl:

• Y Wobr 1af - taleb £100 Love2Shop
• Yr 2il a'r 3ydd wobr - taleb £50 Love2Shop

Pwy sy'n ei drefnu a phwy sy'n ariannu/comisiynu'r prosiect?

Trefnir y prosiect hwn gan Trafnidiaeth Cymru. Yn ddiweddarach eleni, byddan nhw’n defnyddio'r canfyddiadau hyn i lywio eu gwaith ar barcio beiciau.