Dweud eich dweud ar wasanaethau bysiau yn y dyfodol yng Ngogledd Cymru
Helpwch i lunio dyfodol gwasanaethau bysiau yng Ngogledd Cymru
Mae Trafnidiaeth Cymru, gan weithio gydag awdurdodau lleol ledled Gogledd Cymru, yn datblygu cynigion ar gyfer rhwydwaith bysiau newydd.
Rydym yn gwahodd pobl sy'n byw, yn gweithio ac yn teithio yng Ngogledd Cymru i rannu eu barn ar y rhwydwaith arfaethedig a helpu i lunio gwasanaethau bysiau ar draws y rhanbarth yn y dyfodol.
Mae'r rhwydwaith bysiau presennol wedi cael ei ddefnyddio fel man cychwyn. Rydym wedi defnyddio gwybodaeth sydd ar gael am y teithwyr sy'n ei defnyddio, dibynadwyedd, patrymau teithio ac anghenion teithio lleol i'w addasu. Mae'r ymgynghoriad hwn yn gyfle i ddylanwadu ar ddyfodol gwasanaethau bysiau yng Ngogledd Cymru.
Bydd adborth yn helpu i lunio datblygiad rhwydwaith bysiau mwy cysylltiedig, dibynadwy a hawdd ei ddefnyddio. Dweud eich dweud a helpu i lunio dyfodol gwasanaethau bysiau yng Ngogledd Cymru.
Yr hyn yr ydym yn ceisio adborth yn ei gylch:
Llwybrau ac amlder gwasanaethau:
Pa lwybrau sy'n gweithio'n dda a pha rai sydd ddim.
Dewisiadau wrth gynllunio rhwydwaith:
Amlder o'i gymharu â'r gwasanaethau sydd ar gael, cyflymder yn erbyn cyfleustra, a dibynadwyedd yn ystod y dydd yn erbyn gwasanaethau diweddarach.
Sut brofiad yw'r daith ei hun:
Unrhyw beth arall sy'n effeithio ar deithio ar fws, y tu hwnt i lwybrau yn unig.
Bydd eich barn yn ein helpu i fireinio'r cynigion a sicrhau bod rhwydwaith y dyfodol yn adlewyrchu anghenion a blaenoriaethau lleol yn well ar draws y rhanbarth.
Cymryd rhan - Arolwg ar-lein
Digwyddiadau galw heibio cyhoeddus
Byddwn yn cynnal cyfres o ddigwyddiadau galw heibio cyhoeddus ar draws Gogledd Cymru lle bydd modd i:
Ddysgu mwy am y rhwydwaith bysiau arfaethedig.
Gweld mapiau a gwybodaeth am y cynigion.
Trafod yn uniongyrchol ag aelodau'r tîm.
Gofyn cwestiynau a rhannu eich barn.
Cynhelir digwyddiadau galw heibio rhwng 1 Medi a 25 Medi 2026.
